قصيدة أم بولدها الذي تناساها

[الدرة النادرة]

قصيدة ام بولدها

وين انت يا حمدان امـك تناديـك
وراك مـا تسمـع شكايـا وندايـا

يا مسندي قلبي على الدوم يطريـك
ما غبت عن عيني وطيفك سمايـا

هذي ثلاث سنين والعيـن تبكيـك
ما شفت زولك زايـر يـا ضنايـا

تذكر ياحياتي يـوم اشيلـك واداريك
والاعبـك دايـم وتمشـي ورايـا

ترقد على صوتي وحضني يدفيـك
ما غيرك احدٍ ساكن فـي حشايـا

واليا مرضت اسهر بقربك واداريك
ما أذوق طعم النوم صبـحي ومسايـا

ياما عطيتك من حنانـي وبعطيـك
تكبـر وتكبـر بالأمـل يـا منايـا

لكن خساره بعتني اليـوم وشفيـك
واخلصت للزوجه وانا لي شقايـا

انا ادري انها قاسيـه مـا تخليـك
قالت عجـوزك مـا ابيهـا معايـا

خليتني وسط المصحه وانا ارجيك
هذا جزا المعروف وهـذا جزايـا

يـا ليتنـي خدامـة بيـن اياديـك
من شان اشوفك كل يوم برضايـا

مشكور يا ولدي وتشكر مساعيـك
وادعـي لـك الله دايـم بالهدايـا

حمدان يا حمـدان امـك توصيـك
اخاف من تلحق تشـوف الوصايـا

اوصيت دكتور المصحه بيعطيـك
رسالتـي واحروفهـا مـن بكايـا

وان مت لا تبخل علـي بدعاويـك
واطلب لي الغفران وهـذا رجايـا

وامطر تراب القبر بدموع عينيـك
ما عـاد ينفعـك النـدم والنعايـا

[غواص]

وامطر تراب القبر بدموع عينيـك
ما عـاد ينفعـك النـدم والنعايـا

نعم لن ينفعه الندم والبكاء ، بئس الولد هو وامثاله ، خاب وتعس00

الم يسمع ماورد عن النبي صلى الله عليه وسلم انه قال :رغم انف امرئ ادرك والديه ولم يدخلاه

الجنة )0

اللهم وفقنا بتوفيقك ، واجعلنا من البارين بوالديهم ،

شكرا لك اختي الكريمة0