يجينا الفرجْ بكره ْيَ بنتي بس لا [ تبكينْ ]

[احاسيس طفله]

يجينا الفرجْ بكره ْيَ بنتي بس لا [ تبكينْ ]

سلام عليكم
شلوونكم شخبااركم
جبت لكم شعر حزين ومــأثر عن بنت معااقه

..
..


يجينا الفرج بكرا..
يا بنتي بس لا تبكين

انا مااستحمل دموعك ..
وهمساتك تبكيني

نشف دمعي على خدي يا بنتي من ثلاث اسنين

وصارت كل آلامي تعيش وتلتحم فيني

يا بنتي احبسي دمعك دخيلك اكتميه الحين

حرام الدمعة في عينك تعانق ماضي سنيني

تعالي واحظني فرحي ..
وقولي للفرح اهلين

وخلي حزنك بقلبي ..
دخيلك يابعـد عيني

اشوف الدنيا بعيونك ..
واشوف الفرحة بك يا زين

وانا مالي سواك إنتِ ..
وإنتِ شمعة تضويني

علام الهم في قلبك ..
يابنتي ليه ماتحكين

ابيك تكسري همك وانا امك قولي حاكيني

يايمـه حالتي صعبة انا..
والفقر صرنا اخوين

اعيش بظلمة همومي والاقي الهم يكويني

معاقة يمه من صغري ..
معاقة تشتكي حق مين

مدام ان البشر تنظر لحالي بعطف يعميني

اناظر هالبشر واسال ..
انا وش موقعي الحيــن؟؟

وش اللي يميز الأعمى عن اللي شوفهم زيني

فقيرة حظ يا يمـه وحالي تعمي العينين

من اللي يعشق ويهوى معاقة حظها شيني

سألتيني وش اتمنى يايمه منيتي شيين

يكون الفرح اولهم بعدها تعيش رجليني

انا ودي ومنا عيني يكون لجسمي بس رجلين

تساعدني على برك ..
وبرك غايتي وديني

يا ليت الناس ترحمني وترحم حالة المسكين

ولا تجلس تناظرلي بنظره تجرح سنيني

تلاقين الفرح مظلم ونور الحزن وسط العين

وألاقي الهم والحسرة وسمها الوقت بجبيني

معاقة يمه قوليلي علامك ساكتة تبكين

كلامي ازعجك ادري .. وادري الدمع يشكيني

دخيلك يمـه لي رجوة مدامك قادرة تكفين

ابي لي لعبة يا يمه تكون الصادقة بعيني !!

طلبتك يمه هاتي لي عروسة مالها رجلين

وابيها تكون في كرسي .. ( معاقة ) مثلي ترثيني؟؟

اتمنى انهاا تعجبكم..
انتظر ردوودكم ؟؟

[أحمدد]

اشوف الدنيا بعيونك ..
واشوف الفرحة بك يا زين

وانا مالي سواك إنتِ ..
وإنتِ شمعة تضويني

كلمات رائعة
يعطيك العافية لطرحك

[مـي]

كلمات معبرة ومؤثرة , صح لسان من قالها

سلمت على هذا النقل البهي

[غنوجه]

http://alb7ooor.com/vb/mwaextraedit4/extra/60.gif

[منى مسعودي]

كنت سأمرّ و أرحل دون أن أترك بصمة
فوجدت كلماتك تُطَوِّقُنِي على جدران خاطرتك الرائعة
و بين تلك الحروف الصارخة دون نقاط و دون حركات و سكون
قرأتها و أعدت ألف مرة ثم قلت : ألا يا نفسي تتقين مولاك و تعترفين أنك ما زلت في الكتابة تلميذة مُبتدئة ؟
سلمت لنا و نحن بانتظار المزيد و المزيد منك