قصيدة للطفلة ابتهال

[امير الذوق]

:( يرتجف قلبي ليا من ذكر طفلـة مطيـر
ابتهال اللـي خطيـر خفوقـي تشلعـه
كيف يرقد مسلم عنده احساس وضميـر
والبنيـه توهـا ام السنـيـن الاربـعـه
فاقده حضـن امهـا لاحنـان ولاعبيـر
كيف أوصف طفلة دون ذنـب مروعـه
عشرة ايـام مضـت لابشيـر ولانذيـر
أظلم الزلفي وعانـق ظـلام المجمعـه
عشرة ايام تقل دهر والموقـف خطيـر
والمنام اللي عشقتـه يفـزع مضجعـه
أحد يرقد مفرشه بيـن ديبـاج وحريـر
واحد يوجـس ملـة بالفـراش مولعـه
الضنا جنه وبعـده عـن الوالـد سعيـر
والمصيبه أمـه اللـي سنيـن ترضعـه
افزعوا تكفون واستبشـروا خيـر كثـر
مايعقب الضيق باذن الكريـم الاالسعـه
باإالهي وأنت نعـم المعـاون والنصيـر
يطلبك عبـدك ودمعـه يجـرح مدمعـه
يطلبك مفجوع مضطر ولوحـده سهيـر
مايشوفه كود عينـك ووحـدك تسمعـه
رد يوسف وابصر اللي عقب فقده ضرير
مارجـع إلا لانـك أمـرت ابمرجعـه
ياكريـم ويارحيـم علـى الشـده قديـر
سالمه ترجع قريـب ابتهـال المجمعـه

الله يردك يا ابتهال لاهلك سالمة غانمة:(

[المستشار]

الله يرجعها لاهلها سالمه غانمه يارب ياحي ياقيوم

[جودي]

السلام عليكم ورحمة الله وبركاته
قصيدتك فيها معاني رائعه فنتمنى من الباري عز وجل ان ترجع ابتهال لأهلها سالمه ومعفاه انشاءالله

[حساس]

ان كانت حية نسأل الله أن يرجعها لأهلها سالمة غانمة وان كانت متوفاة نسال الله أن يتقبلها ويعظم اجر والديها .........
شكرا لك وبارك الله فيك