ليش الفضايح ؟؟؟

[الاميره الصغيره]

مساء الخير....
قال الرسول صلى الله عليه وسلم(المسلم من سلم المسلمون من لسانه ويده)
ويقول تعالى(ان الذين يحبون ان تشيع الفاحشة في الذين ءامنوا لهم عذاب اليم في الدنيا والاخرة والله يعلم وانتم لاتعلمون) والله مدري شلون ابتدي كلامي هو كلام يقرقع بقلبي كل ماشفت مقطع بلوتوث او سمعت بفضيحة الله يعافينا واياكم ويستر عالمسلمين
ياناس بديت اكره تصرفات هالمجتمع كل يوم فضيحة وكل يوم بلوتوث مصور طيب احنا شكو نشوف مشاهدكم الله يخسكم لازم تفتحون عيون مغمضة هنا بيرد علي عضو يقول ليش تشوفين المشاهد ارد عليه واقوله مشاهد مو مخزية المشهد وجود بنت متصورة وهي ماتدري يعني ممكن وهي تسولف عادي بس انشهرت للاسف واللي معروف ان الشر يعم لذلك بديت اشك بتصرفات اللي قدامي كله من هالفضايح
قسم بالله اشتقت لتفكيري الطفولي كنت غبية بشكل حلو مافهم شي لكن هالتقنية ماقصرت صارت تفهمنا وش قاعد يصير ...
من زمان لو اشوف اثنين يسولفون بطريقة رومنسية( مع انو غالبا مايكون الواحد رومنسي في مكان عام) اقول ياحليلهم الله يهنيهم والحين لو اشوف الظاهر ازواج كاشخين في السوق قلت الظاهر متواعدين <<كله من البلوتوثات شككتنا في الاجاويد
ياناس انا ماطالبكم بالمثالية بس تكفون لاتصيرون تافهين وكل همكم انو تشهرون بفلان وعلان .
انا ودي اعرف انت يالانسان يالمغازلجي توهقت بعلاقة ليش تصور مقطع لبنت وش تستفيد انت ماعندك اخوات تخاف عليهم
ليش مانكون راقين شوي بتفكيرنا .
كل همك تمسك ع البنت شي تبتزها فيه وشلون تنام وشلون بتقابل ربك بعدين ؟؟؟
ترى انت زود انك تضر البنية وتشهرها تضرنا احنا بعد نصير نخاف من أي شي ولاعاد نثق بأي شي
يعني مثلا انا كنت مقدمة ع الجامعة على قسم تقفل القسم اضطر موظف في الجامعة يقول لكل البنات اللي قدموا ع القسم انو لازم يغيرون رغباتهم كلمني عالجوال وقال فلانة الفلان القسم تقفل ولازم تغيرين وغيرته وانتهت السالفة اقول لوحدة من البنات وش صار قالت يؤؤؤ لايكون يلعب عليك لاهو موظف ولاشي قلت شدراه عن رقمي الا اذا شاف الاوراق الرسمية قالت يمكن شاف ملفك وهو ماله خص ودق <<استغفر الله وش هالتفكير
قلتلها الرجال محترم وش هالكلام ؟؟!
السؤال هنا شاللي يخلي البنت تفكر هالتفكير ليش تنظر لجميع الرجال انهم مغازلجية ارد واقول من هالعلوم الزينة اللي نسمعها!!
ولامثلا تجيك سالفة طقاق بين قبيلتين ويجيك واحد حاقد على واحد من القبيله الثانية يقوم يقلد له صوت بنت ويقعد معاه سنة وبعد سنة يقول تراني فلان الفلاني كم خسرت علي من بطاقات شحن وهدايا انت متخلف انت مدري شنو ؟؟
يعني انت ياللي مقلد صوت بنت رجال !!!!
الله يخلف على هيك نوعية من الشباب
والله يهدي شباب المسلمين
الله يعين على ردود بعض الاعضاء اللي يقولون مالايفعلون !!!
7
7
7
7
<<<<تخصص رفع ضغط
سي يووو

[حساس]

السلام عليكم ورحمـــة الله
يقول الرسول صلى الله عليه وسلم : ( من تتبع عورة امرء مسلم تتبع الله عورته ) او كما قال عليه الصلاة والسلام ...
لو كل شخص وعى هذا الحديث وتفكر في عاقبته في الدنيا والآخرة لم نرى هذه المشاهد والمقاطع الفاضحــة .
ثم أن شيئا لابد أن يعلم وهو أن كثيرا منها مشاهد مفتعلة ودراما مصورة من قبل أناس ضعاف قلوب يسعون للافساد في هذا المجتمع ....

فعلينا أن نحاربهم بعدم قبولها ورفض النظر اليها ولو أننا جميعا طبقنا ذلك فلسوف يقل تداولها ونشرها وبالتالي ييأس مروجوها من مجتمع ابى الا أن يحق الحق وينبذ كل منكر أو إساءة لهذا الدين وأهله .

وفي المقابل علينا أن نسعى لنشر البوتوثات النافعة والرسائل المفيدة والنصائح المؤثرة لعل قلبا حيا يعيها ويتعظ ....فيؤثر على من حوله ..

ختاما اشكرك اختي على مواضيعك المفيدة

وتقبلي خالص التحية

[كونتيسه]

وهذا فيض من غيض
فعلا مشكله تجعلك تشك في اصغر الامور واتفهها
حتى قبل البلوتوث

الله يصلح شباب المسلمين ويستر على بنات المسلمين

شكرا لج اختي الاميره الصغيره على الموضوع

[الاميره الصغيره]

http://goeup.com/6/8/39906.gif

[المسافر]

السلام عليكم ورحمة الله وبركاته
شكرا لك طرح مميز وكلام من القلب يعالج سلبية من سلبيات المجتمع

[الاميره الصغيره]

العفوووووووووووو

وشكرا لك علي مرررورك اخي المسافر

[محب الجوري]

الله يعين على ردود بعض الاعضاء اللي يقولون مالايفعلون !!!
7
7
7
7
<<<<تخصص رفع ضغط


مدري ليه احس ان هالكلمتين خربت الموضوع؟؟؟