اكلات مكاوية وباللهجه المكاوية‏

[صدفه]

الأكلات المكية لها طعم ونكهة ونشأة

واللي يحلي الأكلات ويطعمها زيادة إنو لكل أكلة مناسبة تتعلق بيها
وما ناكلها إلا في المناسبة حقتها

نحنا كدة المكاكوه وبالزات العتقية القدم لنا تصانيف وتباتيك في الاكل والشرب مايعلم بيها الا الله عز وجل
ماشية معانا من أيام ما فنو الأوادم
==========

هيا خدو عندكم ....

الرز بحمبص والسقط والمعرق أو المختوم والششني هادي الأكلات خاصة بالعزا وزيادة في التوضيح
اليوم الأول والتاني والتالت يطبخو الرز البحمبص واليوم التالت اللي يسموه قطع العزا يسوو الششني والمعرق والمختوم والسقط

الكابلي أو الزربيان والسمبوسك والطورمبة هادي يسووها وقت المناسبات والأفراح للرجال أما الحريم يجيبولهم الميز طبعا زمان أول مافي لا ميز ولا يحزنون ياكلو من نفس أكل الرجال بس يسوو قليل بريك او بف بالجبنة والا باللحمة شغل بيتي يعني واللي تعرف تسوي كيك بالبرتكان او الموز تسوي صينية علشان يحلو بيها
بعدين جانا الميز والشغلات الجديدة هادي


المعدوس ( الرز عدس ) هادا يسووه المكاكوة يوم الغيم والمطر ومعاه روبيان مكشن بالقوطة والبصل والفلفل الأخضر وزلطة حمر
وكيف لو كنا ساكنين في بلاد الخواجات على كدة كل يوم معدوس ألين البطن تسير زي الطبلة
الملوخية الخضرا هادي تتعمل في اليوم الأول من السنة الهجرية الجديدة على الغدا من باب التفائل إنو ربنا يجعلها سنة خضرا وخير للجميع

الحليب أبو الهيل هادا برضو كمانة ينشرب في صبحية أول يوم في السنة الهجرية الجديدة

السليق هادا يسووه في المناسبات لمن يكون الجو باااااااااااااااااارد

الدبيازة معروفة على ما أعتقد للجميع يسووها للفطور أول يوم العيد المعمول والغريبة يسووها في أيام الحج

السمك مايتاكل إلا في الشعبنة علشان في رمضان
الناس ماتاكل السمك بس هيا كدة عادة
شعبنة يعني اضرب سمك وصيادية

عشرة عاشورا ( 10 محرم ) رز زربيان الحلو
وزلطة لبن أبو الفلفل

السحلب يسووه في الأيام الباردة علشان يلم العضم ويدفي الجتة بالزات لو فيلو شوية جنزبيل

القهوة الملوزة اللي يحطولها لوز بجلي مهروش طبعا هادي وقت البزورة ما ينجحو والا يسقطو يسوولهم هيا قيد ماتفرق
لو البيت فيلو خمسة بزورة ناجحين وتلاتة صاقطين رايحين يلغو القهوة الملوزة

وغير أكلات رمضان الخشاف والماسية ومكارنة باللبن إزا تعرفوها والقطايف هادي ياكلوها من السنة للسنة

المجلب ( مجموعة أعشاب مخلوطة عن العطارين ) زماااااان ويمكن دحين مافي حرمة تنفس وتولد إلا يصنجوها مغراف مجلب علشان يكرت وصخ البطن والولادة وينضفها

الزلابية واللقيمات ( اللنقطة ) أول ما ينقال اسمها نتزكر العيد والفطور حق العيد


السلالي والمقلقل واللحم نفتكر على طول عيد الحج يندبح الطلي ومايبقى شي منو تبارك الرحمن
كل شي يتاكل فيه حتى الرجول يسوو بيها مقادم والمفاصل نلعب بيها كبوش والفروه يفرشوه على عتبة البيت زي الدعاسات دحين والديل نشوح البزورة بيه زي البواكير

[جــــداويــــه]

والله موضوع حلووووووووو وراااايق استمعت بقرائته كثيراً

خاصة وان معظم الأكلات هذه نسووويها ,, تتذكري الدبيازة العام الماضي ههههههههه

وياعيني على الكابلي ولا الزربيان ولا السليق ,, ياسلااام ولا السحلب من يد ستي الله لا يحرمني منها ياااااارب ,,

مشكوورة صدووفة موضوع جميل جداً ,,

[صدفه]

الله يسعدك يا جداويه وانتي تردي على المكاوية:)

السلالي والمقلقل واللحم نفتكر على طول عيد الحج يندبح الطلي ومايبقى شي منو تبارك الرحمن
لا وخايفين من العين :SnipeR (65):
العين حق برضو

شكرا جيجي يارب يجي البرد السحلب وحشنا أوي أوي:SnipeR (75):

[ثمار الجنة]

المعدوس ( الرز عدس ) هادا يسووه المكاكوة يوم الغيم والمطر ومعاه روبيان مكشن بالقوطة والبصل والفلفل الأخضر وزلطة حمر
الله ياصدفه شهيتينا (للمعدوس) احنا نسميه كذا
مشكورة صدفة على الأكلات الجميلة

[صدفه]

الله ياصدفه شهيتينا (للمعدوس) احنا نسميه كذا
مشكورة صدفة على الأكلات الجميلة


والله صادقه المعدوس لذيذ وعندنا بجده يآكلوا معاه السمك

لكن المشكلة إنه يعتبر من الأكلات الشتويه يعني لا يناسب الجو عندنا الان البته

لكن في الطائف أحلى ممكن

مشكورة يا ثموووورة وألف عافيه عليك:)

[الحب الصادق]

جووووووووعتيني


كل الشككككككككر لك

[صدفه]

جووووووووعتيني


كل الشككككككككر لك


خلاص ممتاز

أطبخي من هذه الأصناف وإعزميني :)

شكرا لك أختي الحب الصادق

[القمه]

القهوة الملوزة اللي يحطولها لوز بجلي مهروش طبعا هادي وقت البزورة ما ينجحو والا يسقطو يسوولهم هيا قيد ماتفرق
لو البيت فيلو خمسة بزورة ناجحين وتلاتة صاقطين رايحين يلغو القهوة الملوزة


طيب واذا سقطوا كلهم كيف نملوزهم


رووووووووعه صدوفه استمتعت وجعت

تسلمين يا قلبي عالابداع

[عبير الكلمة]

يارب يسعد مكة واهلها ...امووووووت فيهم

موضوع مو بس حلو الا يقطع القلب من حلاوته

تسلمي لنا صدفة <<<< وبجد انا بصير صاحبتك يابت ههههههههه

[صدفه]

جعتي مين يا أختي صلي على النبي

دوبي مغديتك السلالي والمقلقل واللحم

تبارك الرحمن :)

[حساس]

يالذيذ يارايق أكلات شكلها كذا بتخلي الجوعان يشبع ويملي بطنه ...والشبعان يزيد العيار ويثقل الأكله :essen:
انا بصراحة ما اخفيك أحب الاكلات الشعبية والمدام تعبت معاي على شان تتقنها ....
تسلم ايدك يا ام عبد العزيز وعقبال ما ناكلها في بيتك مع المدام والأولاد طبعا من غير الشغالة :SnipeR (54):وحنا رايحين للحج زالزيارة ...



الكابلي أو الزربيان والسمبوسك والطورمبة هادي يسووها وقت المناسبات والأفراح للرجال أما
الطورمبة هذي عندنا بنفس الاسم لكنها مو أكله انما مضخة ...:SnipeR (54):

[صدفه]

يارب يسعد مكة واهلها ...امووووووت فيهم

موضوع مو بس حلو الا يقطع القلب من حلاوته

تسلمي لنا صدفة <<<< وبجد انا بصير صاحبتك يابت ههههههههه


آمين يارب العالمين ويسعد كمان أهل المدينه
ولو كان أهل مكة حمام فأهل المدينة قماري:)

مو بس يقطع القلب والكبدة والكلاوي ههههههههه الظاهر الموضوع جوع الكل

الله يسلمك وأنا موافقة نتصاحب على طول مش بس وقت الجوووووووووع :SnipeR (43):

مشكورة يا قمر:)

[صدفه]

حساس محتار بإسمي مرة أم أحمد ومرة أم عبد العزيز في كمان إسم لي لو حبيت من باب التغيير هو أم زيد:0121:

أهلا بكم الله يحييكم وأهي فرصة أشكي للمدام همي :SnipeR (54):

بس أقول حساس مو شرط إني كتبت الموضوع إني أتقن الأكلات المكاوية لكن بالأكلات المدينية ممكن تآكل وإنت مغمض ( من باب الإحتياط )والسبب لو في لدعة ما تلاحظها

شكرا لمرورك المرح:)

[جروح لايمحيها الزمن]

السحلب يسووه في الأيام الباردة علشان يلم العضم ويدفي الجتة بالزات لو فيلو شوية جنزبيل
وي منكم يااهل مكه كل حاجه تعرفوها

اهل مكه قمارى وزادهم حلى وجودك ياعسل

مشكوره معلومات نايس

[صدفه]

السحلب يسووه في الأيام الباردة علشان يلم العضم ويدفي الجتة بالزات لو فيلو شوية جنزبيل
وي منكم يااهل مكه كل حاجه تعرفوها

اهل مكه قمارى وزادهم حلى وجودك ياعسل

مشكوره معلومات نايس

تصحيح الهجة بالمكاوي : وه ياأختي إنتو تعرفوا تصلحوا كل شي :)

وباللهجة المديني: وي يا أمي إنتو تعرفوا تسووا الأكل زي الناس :)

إنت الأعسل يا جروحه:0121:

[خجل]

يعطيك العافية